Bejaardesorg

Bejaardesorg in ‘n visionêre

gemeente

Wyle   dr   Hennie   van   Deventer   skryf   in   2012   die volgende    in    die    nuusbrief    van    die    Algemene Diakenvergadering       van       die       Nederduitsch Hervormde Kerk: Hopelik   is   ons   kerk   nie   meer   ‘n   “domineekerk nie”,   dit   is   ‘n   kerk   waar   alles   in   die   gemeente   net om   die   predikant   wentel.   Hy   of   sy   is   dan   die enigste   herder   met   die   lidmate   as   die   skape   wat maar   net   volg.   Deesdae   val   die   klem   baie   meer op   die   lidmate   wat   nie   onder   nie,   maar   saam met   die   dominee,   in   die   gemeente   werk   en   na mekaar    omsien    en    so    die    liggaam    van    Jesus Christus         vorm.         So         kom         ook         die barmhartigheidsdiens     van     die     kerk     in     die algemeen   en   die   gemeente   in   die   besonder   tot sy reg. Vanuit     hierdie     skrywe     blyk     dit     dat,     in     die moderne,       visionêre       gemeente       van       die Hervormde   Kerk,   elke   lidmaat   ‘n   duidelike   rol   te speel   het   in   die   funksionering   van   die   liggaam van Christus – hierdie is geen nuwe begrip nie. Barmhartigheid     is     die     gesindheid     waarmee iemand   wat   fisiek   en   finansieel   in   'n   gunstige posisie    verkeer,    sonder    eie    voordeel    'n    ander wat   in   moeilike   omstandighede   is,   tegemoet   kan kom   en   help.   Barmhartigheid   is   sonder   twyfel deel    van    die    geloofsverantwoordelikhede    van die    gelowige    en    die    omsien    na    bejaardes    ‘n Bybelse konsep.  

Lewensverwagting in die 21ste eeu

Volgens       die       Wêreldgesondheidsorganisasie verhoog   die   gemiddelde   lewensverwagting   van mense,    in    veral    ontwikkelde    gemeenskappe, dramaties.    In    die    vyftien    jaar    vanaf    2000    tot 2015,   het   die   gemiddelde   lewensverwagting   met vyf jaar gestyg! Volgens   ‘n   News24   artikel   (2012-11-01)   was   daar in   2012   reeds   meer   as   15   000   mense   in   Suid- Afrika   wat   hul   eeufees   al   gevier   het!   In   2010   het die   telling   van   honderdjariges   in   die   VSA   reeds op 53 364 gestaan. Dit   is   dus   baie   duidelik   dat   die   komponent   van bejaardes       is       ons       gemeentes,       na       alle waarskynlikheid,     al     hoe     groter     gaan     word namate   die   tyd   aanstap.   As   gemeentes   van   die Kerk    sal    ons    nuut    moet    begin    dink    oor    die versorging van ons bejaardes.

Studie van die Aksiegroep vir Bejaardes

As   agtergrond   vir   die   nuutdink   oor   bejaardesorg kan   ons   die   studie   oor   hierdie   onderwerp,   soos onderneem     deur     die     Hervormde     Kerk     se Aksiegroep   vir   Bejaardes   (AGB)   as   riglyn   gebruik. Hierdie     studie     het     hoofsaaklik     drie     areas uitgewys         waarbinne         bejaardes         dikwels beperkinge beleef. 1. Finansiële probleme Baie    bejaardes    sal,    wanneer    daar    met    hulle gesels   word,   erken   dat   hulle   nooit   verwag   het om       so       lank       te       leef       nie.       Die       hoër lewensverwagting   plaas   baie   druk   op   finansële hulpbronne    en    dit    blyk    in    die    meeste    gevalle gou   duidelik   dat   die   tradisionele   maniere   van aftreebeplanning nie meer genoeg is nie. Finansiële   instellings   is   dit   eens   dat   die   meeste bejaardes,   wat   hul   lewens   lank   gewerk   het,   na so   kort   as   vyf   jaar   na   aftrede,   nie   meer   die   mas opkom nie. 2. Fisieke probleme As   gevolg   van   die   hoër   lewensverwagting,   raak plekke       in       versorgingsoorde       al       moeiliker bekombaar   en   moet   verswakte   bejaardes   al   hoe langer   tuis   versorg   word.   (Dit   is   bo   en   behalwe die    feit    dat    hierdie    versorgingseenhede    baie duur    is    en    baie    lidmate    dit    gewoon    nie    kan bekostig   om   in   die   meeste   van   hierdie   oorde   te woon     nie.)     Kinders     neem     dikwels     hierdie versorgingsverantwoordelikheid,   maar   wat   kan ons   as   kerk/gemeente   doen   om   ondersteuning te bied? 3. Vervoerprobleme Die    studie    toon    aan    dat    namate    ouderdom toeneem,   hoe   groter   word   die   vervoerprobleme van   lidmate.   Verswakte   gesondheid   en   dikwels ook   hoë   onderhoudskostes   aan   motors,   dra   tot die    probleem    by.    Vervoerprobleme    ontneem bejaardes van hul mobiliteit en onafhanlikheid. Met     bogenoemde     inligting     tot     ons     beskikking, beplan   ons   om   vanaf   die   Bergsig2020-platform,   ‘n nuwe   vorm   van   bejaardesorg   in   die   gemeente   te ontwikkel.    As    ‘n    visionêre    gemeente,    waar    elke lidmaat    verantwoordelikheid    neem    om    langs    die dominee te stap!